每年感恩節，不少外國，尤其北美的廠商都會進行大特價益街坊，Steam 也不例外，過千款新舊遊戲都做特價，你上去搵到好嘢未？
Steam 今次呢個「Exploration Sale」由即日起至美國太平洋時間 12 月 1 日晚上截止，最勁兩折。有咩荀嘢？《Borderlands》系列全線劈，《Just Cause》系列又劈至 2 折半，最令我有驚喜係剛剛出大結局的章回式冒險遊戲《Life is Strange》，而家做六七折，全季買HK$80 有找，呢隻咪錯過！
Jack記推介呢隻《Life is Strange》。